Pa por yuda un persona manera mester ta Fundacion pa Hende Muhe den Dificultad, mester di fondo pasobra e casonan di violencia domestico, sea cu e ta verbal of fisico, ta grandi na Aruba, segun sra. Magaly Maduro
E fundacion tin dos parti. Nan tin un parti ambulatorio y e parti residencial. E parti ambulatorio ta yuda esnan cu ta yama y nan ta haci pregunta y nan kier conseho y nan no sa con pa cana e caminda, e ora e fundacion ta haci esey. Primordialmente nan tey pa e ser femenino, pero esey no ta descarta cu e pareha ta wordo lubida completamente. Si e tin interes, e ta yama. No ta asina cu ta bay yam’e. Si e por yama y sinta y purba di intermedia den e problema y mustr’e e caminda cu e tin cu cana.
Ta importante pa bisa cu no tin un psicologo y no tin un psikiatra den cas cu por duna e personanan aki e ayudo necesario.
Hopi biaha si ta tende di e storia di e homber como tambe di e hende muhe. Nos tur sa cu pareha por ta di mesun sexo of di diferente sexo. E pareha tin issues y tin cu adresa nan. Te ainda e fundacion no tin e ekipo adecuado pa atende e asuntonan aki, pero si tin cu bisa su tras, cu tin un bon cooperacion cu diferente psicologo, diferente hurista cu ta duna conseho y por guia nan mas aleu.
E parti aki yama ambulatorio.
Despues por papia di e parti residencial, cual ta un momento di crisis cu e señora tin cu sali for di cas y no tin caminda di bay. Ya e no por keda ningun otro caminda nan tin cu yega na e fundacion pa haya un caminda cu por haya e refugio y por biba trankil. E idea aki ta pa yuda e persona pa mas lihe cu ta posibel e por haya su draai bek den comunidad, bay su trabao, pasobra e hendenan aki ta traha, cu tin yiu, cu tin cu funciona eyfo den sociedad. No por coy nan cera nan pa seis siman. Bida ta sigui y tin cu wak cu e situacion y e informacion cu tin con por manehe na un manera apropia y su yiunan. Hopi biaha e damanan aki tin yiu y e yiunan ta mesun victima cu e mama. E fundacion no tin den nan fundacion un psicologo, un psikiatra of hurista. Nan ta trahando duro pa hay’e, pero mientras tanto ta haya colaboracion di varios otro instituto y psicologo y profesionalnan. Aruba tin profesional, segun Maduro.
E principal factor ta placa, mester di fondo pa por logra tur esaki.