Tin hopi keho tocante scuridad den cierto barionan, cu falta iluminacion unda cu comerciantenan tambe ta sufri bou di esaki, pa cual Sr. Dominico Werleman, director di DTI a splica e proceso pa haya luz den bario.
Pa por haya luz den un bario, por haci peticion via minister pa evalua e situacion na e sitio. Si tin luz caba ta evalua si ta pone luz adicional. Si berdaderamente, cu si entre dos luz tin un mast y cu ta hopi scur, ta pone mas luz. Si en caso den barionan, seccionnan cu tin problema cu scuridad y vandalismo, por haci peticion. Si ta un bario, por acumula firma den bario y esaki lo agilisa e proceso. DTI hay’e for di minister, nan lo bay haci un evaluacion y despues di aprobacion e peticion ta bay pa Elmar pa pone luz.
Den caso cu ta un comerciante, e proceso ta bay mes un cos. Si e ta un caso urgente, e mes por haci e peticion directo na Elmar. Esaki di mes tin su gastonan cun’e. Ora cu DTI keda cla y tur cos wordo aproba, e ora lo bay cambia e luz cu gobierno lo subsidia e ora.
Un peticion mester bay pa minister, cu ta mand’e pa DTI pa conseho, pa despues bay Elmar cu ta e instancia cu ta pone e luznan. Un comerciante mes por haci e peticion, pero esaki mester bay di forma coordina. E mester haci e peticion y unabes e peticion wordo evalua, lo bay over na pone e luz. Esaki nunca tabata un problema y Sr. Werleman no ta kere cu ta bay ta problema den futuro. DTI ta na altura cu tin hopi problema cu iluminacion y tin hopi peticion pa luz den caya, iluminacion den caya. DTI su tarea ta pa zorg pa “straatverlichting”. Si e ta un seccion cu no ta cay pa caya, e ora e por bira un tiki fastioso y lo mester evalua kico e ta agrega na e bario y cu no e ta beneficia un solo persona, e ora por evalua cu’n conseho na minister, pa pone un luz den e bario en cuestion, segun Sr. Dominico Werleman, director di DTI.