Diasabra durante oranan di mainta/merdia, empleadonan di Aruparking a cuminsa ripara un holor fuerte na amoniaco cu no tabata permiti pa nan realisa nan trabou corectamente den nan instalacionnan. Despues a bin compronde cu tabata holornan fuerte di kimico cu lo a keda atras despues cu un compania a haci nan limpiesa respectivo di e instalacionnan di Aruparking.
E holor tabata asina fuerta cu un empleada, cu ta na embaraso, a dicidi di no sigui traha y bandona e edificio pa su mesun siguridad y di su baby den barica y sigur a informa su manager. Otro empleadonan a evalua pa haci mescos mirando cu e holor fuerte na amonia tabata practicamente imposibel pa soporta y a bay pafo pa sigui cu trabounan.
Por a ripara cu despues di un rato e director hopi activo cu e empresa y e empleadonan Sr. Mohamed, a yega na Aruparking di biaha pa supervisa e situacion personalmente unda el a keda informa y no tabata sa di e situacion di e holor cu tabata un molester, a papia cu e empleadonan y ta lamenta cu e compania cu a presenta pa haci e limpiesa no a tene na cuenta cu diasabra tin trahadonan ta traha parti mainta unda cu e holo a keda circula den e edificio.