Personanan adulto cu ta sigui un estudio den dia, por haci un peticion (tur aña di nobo) pa haya un ayudo financiero. Esaki ta algo cu ta existi pa hopi aña caba.
Esaki ta un ayudo extra pa tur esnan di entre 3 y 24 cu ta haya bijstand y ta acudi na un enseñanza regular durante dia. “E no ta un ayudo cu ta hancra den ley, pero e ta algo cu a wordo duna e ultimo añanan. Pero e ta un peticion cu mester haci si tur aña.” Esaki ta loke cu Jesseline Soto Garcia Kelly, relacionista publico di Departamento di Asuntonan Social, a splica recientemente.
E ayudo extra ta consisti di dos parti di cual uno ta e “school uitkering” cu e persona ta haya cash hunto cu e pago di bijstand di luna di september. E “ouderlijke bijdrage” ta wordo paga directamente na e scol. E persona mester ta biba cerca e mayor y ta haya e “kinderbijlage” di 250 florin tu luna.
Normalmente ta yuda tur aña entre 800 y 850 mucha cu ta mas o menos 525 famia. E grupo di mas grandi cu ta haya e ayudo aki ta di San Nicolas, sigui pa Savaneta y Noord.
E suma ta pa yuda mayornan cumpli material di scol pa muchanan. E ta 250 florin pa cada mucha cu un maximo di 800 florin pa un famia.
Riba e prome dia di scol ta haya e formulario na e scol di su yiu y ta entrega esaki cu copia di carnet di su bijstand na Departamento Social.
E aña’ki e cantidad di bijstand a subi drasticamente y probablemente e cantidad di muchanan cu ta haya e ayudo extra aki lo aumenta tambe.