Miangela Ras Wever ta un di e famianan di Casa Rosada, su mayornan ta descendiente di Casa Rosada den Wilhelminastraat un cas cu sigur ta un joya di edificio y cu tin su historia rico na dje. E famianan a tuma nota Monumenten Bureau a pone un plakkaat dilanti di Casa Rosada y a famianan a celebra esaki hopi, pero na momento cu a bay mira kico ta poni riba e plakkaat e famianan a haya un shock di e historia cu no ta completo. Segun Miangela Ras Wever e dos personanan cu a keda encarga pa a traha e historia riba e plakkaat tabata full robes den e historia original di e cas. Riba e plakkaat tin skirbi na Ingles ‘’This Townhouse was commissioned by Julio Habibe in 1904’’ Esaki ta completamente eroneo, segun Miangela Ras Wever. Den aña 1904 Julio Habibe tabatin 11 aña y tabata biba na midden Oost ainda. Na 1898 mi bisawela Andries Adriaan Lacle y Henriette Jacoba Lacle Wever cu tabata casa cu otro a cumpra e cas den Wilhelminastraat e tempo ey. E cas a keda den poder di famia Lacle Wever te den añanan 1923 cu mi bisawela a fayece. Historia y famia ta conta cu na su cama di morto Julio Habibe cu e tempo ey si tabata na Aruba y tabata bende boton riba caya a bin huur un camber di e cas, asina a bin namora di e yiu mayo di mi bisawela y na cama di morto a laga mi bisawela firma un documento na un manera un tiki inconvencional cu su casa cu ta e yiu muhe mas grandi lo keda e unico heredero di tur cos. Sinembargo como famia nos tin nos tradicionnan oral y nos sa e berdad y a dicidi cu lo laga tur e defuntonan ey sosega na paz, pero pa e famia ta importante pa Monumenten Bureau rectifica mesora kitando e plakkaat actual cu no ta contando e historia berdadero pa asina pone un plakkaat cu si ta conta e historia real. Famia Wever Lacle tin tur documento original di e historia di e cas. Sinembargo famianan ta haya cu ta increibel cu dos persona cu no conoce e historia di Aruba mester wordo paga pa traha un plachi cu no ta conta e berdad. Como famia a reuni y ta exigi Monumenten Bureau kita e plakkaat debi cu e no ta cuadra cu e historia original di e cas y di e hendenan di Aruba. Mester bisa cu na 1888 e pareha Lacle a cumpra e cas y no a traha e cas , dus esaki ta significa cu e cas aki ta traha algun aña prome cu 1888 caba y no den aña 1904 manera ta poni riba e plakkaat.