Pa falta credibilidad propio Sr. Mike Eman ta manipula informacion

Manera ta conoci Banco Central di Aruba a confirma cu e “grafieknan” cu sr. Eman a uza no ta di nan. Adicionalmente nan a distancia nan mes di e contenido di e presentacion di sr. Eman y bisa cu nan no por asumi responsabilidad pa su ponencianan.

Consecuencia di uza datonan manipula
E manipulacion di sr. Eman ta wordo considera hopi serio mirando cu el a titula e “grafieknan” cu ponencianan cu no ta wordo cita door di Centrale Bank van Aruba. Por ehempel e ta uza un “grafiek” cu logo di Centrale Bank van Aruba y titula esaki: “dramatic drop in businesses reporting to be profitable”.

Na e manera aki Sr. Eman kier laga mustra como si fuera cu Centrale Bank van Aruba a indica cu tin un caida dramatico. Den e “business perception survey” niun caminda Centrale Bank van Aruba ta papia di un caida dramatico. Es mas, e palabra dramatic no ta ni wordo menciona den full nan rapport. Ta comprendibel si cu Sr. Eman kier lag’e mustra como si fuera cu Centrale Bank van Aruba a bisa esaki, mirando cu e mes no tin credibilidad mas.

Preguntanan adicional
Mirando e hecho cu e proceder di Sr. Eman, den concepto di sr. Tjon, ta atacha e bon nomber di Centrale Bank van Aruba, tambe atacha nan credibilidad y crea un perspectiva falso mas pregunta a wordo haci.

Sr. Tjon, den nomber di fraccion di MEP, a manda puntra ki paso Centrale Bank van Aruba lo tuma pa “trek recht” e actuacion maligno di sr. Eman. Riba e potret por lesa e preguntanan.

Comments

comments