Christine Kolsen, Hefe Interino di Seccion Cuido di Nos Grandinan na Departamento di Salud Publico ta splica mas di nan rol den e Fast Track pa cu e casnan di cuido.
Su departamento ta atende cu e permiso mes, dus e casnan di cuido, e gerentenan mester acudi na IVA pa haci peticion oficial pa nan haya permiso. Despues di esey, nan ta duna informacion, nan ta duna un foyeto unda ta para tur e rekisitonan cu e Casnan di Cuido mester cumpli cun’e, tur e documentonan cu nan mester acumula pa asina nan por cumpli pa nan haya e permiso. Hunto cu esey nan ta traha tambe, den colaboracion mutuo hunto cu otro departamentonan ya menciona, pa asina nan por haya conseho for di nan, cu si e cas di cuido ta apto pa funciona, y si nan ta apto pa haya un permiso.
Ora cu e gerentenan bay na IVA, ta duna nan unformulario pa nan yena. Den dje nan mester di tin tur e rekisitonan cu nan mester, pa asina nan tin un overzicht di kico tur nan tin y kico tur nan falta pa haya un permiso.