Sra. Lindy Croes miembro di Camara di Comercio, ta splica riba e tema di E-Commerce y kico kier bay haci pa hisa e interes riba e tema aki. Sra. Croes ta splica.
Na 2017, Camara di Comercio a yega basta leu cu esaki, trahando y elaborando hopi cu Banco Central y Camara di Comercio kier a aplaudi otro banconan di Aruba, cu ta tumando e step dilanti, pa logra E-Commerce na Aruba. Mundo ta draai hopi lihe y tur cos ta basa ariba demanda, semper nos tin telefon den nos man. Y Aruba tambe a bira cu e ta ariba demanda, y Aruba por tin un plataforma unda por ofrece comercio, si bo tin un luga fisico y tambe si bo no tin esey. Tin dos opcion y eynan por crece comercio mas ainda.
E puntonan den E-commerce, ta e leynan mester wordo actualisa, pa asina aki, yuda. Inversion den tecnologia di banconan tameb ta importante y tur aña esaki ta cambia. Lo mester wak cual tecnologia lo uza. Mester wak unda por wak pa yega na un acuerdo cu Aduana, pa por saca e productonan mas lihe.
Sra. Croes ta den Comision Caya Grandi cu Camara di Comercio, y esey ta un otro comision di cual e lo forma parti, pa e sigui crece. Y sin laga afo, Caya di San Nicolas. Lo ta bon pa educa e pueblo ariba E – Commerce, con lo por bay motiva e comerciantenan pa nan por bay participa na E-commerce, cu ta un balor agrega pa bo negoshi existente, cu por hisa e benta.
E generacion di awo ta ariba telefon nan ta cumpra tur cos. Y cu e click di un boton ta cumpra tur cos y den dos siman e producto ta na Aruba. Como comerciante e benta ta bay subi. Pero di otro banda, comerciantenan ta keha cu nan no por competi cu e comerciantenan cu ta bende productonan online, ya cu nan no ta paga belasting y esaki ta debi na e leynan anticua cu nos tin na Aruba, segun Sra. Lindy Croes, di Camara di Comercio.