E aña tras di lomba no tabata uno positivo pa comerciantenan pero pa 2017, ATIA no ta wak un crecemento asina grandi segun directora di ATIA, Sra. Michelle de groot
ATIA tabata tin varios sesion cu Banco Central di Aruba, cu tabata informa nan con e economia tabata durante 2016 y por bisa cu e economia tabata flat den 2016. Pa 2017 ta bay ta un aña di eleccion, cual semper tin su desafionan y un aña di eleccion semper ta trece incertidumbre. ATIA ta premira cu lo tin mucho crecemento e aña aki, y ta depende di e efecto di Citgo, pero esaki ta algo cu nan lo mester monitor di cerca.
Ta bay tin algun inversion, segun ATIA ta premira. Semper den aña di eleccion, gobierno ta haci su inversionnan y cu ATIA tin entendi, algun hotel tambe lo haci cierto inversionnan. Sector di construccion ta wak esaki toch positivo, pero ATIA toch ta spera un aña flat.
ATIA tin cierto tema cu nan lo keda pusha, pa motibo cu un di e ideanan, den un aña di eleccion ATIA ta wak’e como nan responsabilidad, pa informa nan miembronan corectamente. Nan lo tene reunionnan cu tur e partidonan frecuentemente. Nan lo intercambia idea y papia di nan preocupacionnan. ATIA lo sigui pusha temanan cu pa comerciantenan ta interesante.
