Manera bisa anteriormente, a pone como targetday, dia 1 di Februari, caminda un decision lo bay wordo tuma door di Gabinete Wever- Croes. Dia 2 di Februari, a tuma e decision caminda cu entrante 1 Maart lo institui Interpol Aruba. Esaki ta e reto nobo cu e Korpschef actual tabata desea di por haya.
Gobierno a adapta e reto nobo aki, ya cu ora cu nan a drenta gobernacion, tabata tin edificio, ni recursonan disponibel y cosnan cu no a wordo arregla. Djis un decision di gabinete demisionario di dia 5 di September aña pasa tabata tin. A bay den consulta ya cu mester a bay den consulta cu otro dienstenan nan, manera DRH, VDR, Ministerio Publico pa por a yega na e decision di dia 5 September, entre otro instancianan pertinente y nan lo keda cla pa habri e vacatura pa Korpsleiding, dia un di Maart manera minister a bisa.
Asina tambe, minister di husticia a splica cu den e proximo simannan nan lo yena e lista cu ta e team cu lo bai lidera korps leiding pa un aña, anto den paralelo nan lo bai realiza un procedura di solicitatie pa por yega na un Korps Chef definitivo. E prome paso a wordo tuma.
E prome paso a wordo tuma, dia 1 di Maart lo tin un vacatura y lo tin tambe un dienst nobo, Interpol Aruba, cu ta hopi importante den e forma cu a structura esaki pa siguridad di nos fronternana. Loke nos ruman isla Corsou a haci na November ultimo, nan a bay nos dilanti y Aruba lo bay siguinan, den e proceso di link cu e databank di Interpol, cu ora un persona para na frontera, lo por sa si e persona por ta welcome si of no. Of si e ta wordo busca internacionalmente. Gabinete Wever- Croes ta preparando cu e desaroyo di tur e innovacion aki, den seguridad riba nos isla, Asina mr. Andin Bikker, minister di husticia a conclui.