LONDON, Reino Uni- Pret a Manger, un cadena di fastfood cu base na Reino Uni pero cu sucursal den nuebe pais a confirma morto di un di dos persona a causa di un reaccion alergico na un ingrediente di su sandwichnan, segun The Guardian.
Segun informenan, e victima cual su identidad no a wordo revela, a cay flauw dia 27 di december despues di a cumpra un sandwich de un tienda situa na Bath, cu supuestamente tabata liber ta lactose. E compania a confirma cu e proveedor CoYo a “bende’le yoghurt robes sin lactose”, uzando como ingrediente den e pan di a sandwich. Despues a resulta cu e yoghurt si tabata tin proteina lacteo.
“Ta supone cu esaki a causa e morto tragico di un cliente door di un reaccion alergico na december 2017”, e cadena di fastfood a señala. El a agrega cu el a retira productonan afecta y a termina su contract cu CoYo. El a tuma pasonan legal tambe contra di e compania.
Di mes manera, e cadena Pret a Manger, ta wordo investiga relaciona cu e morto na 2016 di e yiu muhe di un miyonario y fundado di e empresa WOW Toys, Nadim Ednan-Laperouse, cu a muri despues di a sufri un reaccion alergico durante un vuelo di British Airways, despues di a come un sandwich di e restaurant aki cual a wordo cumpra na e airport di Heathrow.
Diaranson ultimo, e compania a anuncia su plannan pa inclui un label completo di e ingredientenan riba tur su productonan.