BALTIMORE, Merca- Shete persona tabata victima di un tiroteo diadomingo anochi na Baltimore. Al menos un persona a fayece, segun autoridadnan a indica.
E agentenan a ricibi un yamada algo despues di 5 or di anochi, pa raporta cu varios persona tabata tin heridanan di bala, segun Chakia Fennoy, vocero di e departamento di polis.
Un di e victimanan a muri, e vocero a agrega. El a indica tambe cu motibonan di e tiroteo no ta conoci ni tampoco e sospechoso.
E tiroteo a tuma luga den un caya den e zona occidental di e ciudad durante un comemento den aire liber, segun informacionnan di prensa local.