Defensa Hulandes a anuncia diamars durante dia cu e helicopter NH90 cu a cay den lama caribe pabou di Aruba riba 19 di Juli 2020 lo keda rescata. E minister di defensa Hulandes a informa esaki despues cu e prome investigacion ta informa cu ta posibel recupera helicopter, tur cos lo cuminsa otro siman.
E helicopter ta parti den dos y kier recupera esaki completo. Un team completo di aliansa di capacidad maritimo y defensa lo realisa e trabou grandi aki. E ekipo necesario a yega Curacao diamars anochi den avion Antonov. Un barco tambe lo sigui e luga unda e trabou lo keda realisa.
Inspeccion di siguridad di defensa
Lo mas pronto cu saca e helicopter for di e fondo di lama ambos parti lo keda investiga y inspecciona, pa investiga e circunstancia di e accidente cu a cobra bida di dos tripulante.