Emigdio Lopez Avendaño ta uni su mes na e lista largo di aspirantenan politico asesina na Mexico, desde september ultimo.
E politico tabata candidato pa diputado pa districto 21 y ta uni su mes na e lista di mas di 120 politico den diferente parti di e pais, desde cu e campaña electoral a cuminsa na aña pasa.
E hecho a wordo confirma pa Salomon Jara, aspirante di Morena na parlamento. “E dia di awe nos compañero Emigdio López Avendaño candidato na diputado local pa e distrito di Ejutla de Crespo a wordo asesina hunto cu cuater otro compañero mas entre e limitenan di San Vicente Coatlán y Ejutla de Crespo despues di un emboscada ora cu nan tabata realisando actividadnan di campaña”, el a publica riba su rednan social.
Jara e exigi e gobernador di Oaxaca, Alejandro Murat Hinojosa, pa resolve e crimen y castiga e responsabelnan.’
Fuente: http://www.yucatan.com.mx