CANCUN, Mexico – E periodista y camarografo di Canal 10, Javier Enrique Rodríguez Valladares, a wordo tira mata riba e anochi di 29 di augustus riba un avenida principal di Cancun, Quintana Roo.
E hechonan aki a tuma luga ora cu Rodriquez tabata realisando un entrevista na un artesano local di e ciudad. Ambos persona a muri a consecuencia di e tironan y responsabelnan a logra huy.
Aunke e motibonan di e asesinato no ta conoci of si e ta liga cu su labor periodistico, pero gremionan den e region ta lamenta e hecho aki.
Cu e asesinato aki ya caba ta tres periodista asesina den e estado aki den menos di dos luna. E periodista y director di e Semanario Playa News, Ruben Pat Cauich, a perde su bida na final di juni pafo di un bar na Quintana Roo y 26 dia despues e periodista José Guadalupe Chan Dzib a wordo mata. E tambe tabata traha pa Playa News, na Felipe Carrillo Puerto.