CIUDAD DE MEXICO, Mexico- Un conocido periodista a wordo tira mata dialuna na Sinaloa, noorwest di Ciudad de Mexico. Javier Valdez di 50 aña a fayece despues cu desconocinan a tira ariba su auto den e estado di Sinaloa.
Esaki ta e di cinco biaha den tres luna cu’n periodista Mexicano ta wordo asesina. Na 2011 Valdez a ricibi un premio di Libertad di Prensa Internacional pa su articulonan relaciona cu trafico di droga y crimen organisa.
E periodista tabata na altura cu su trabao ta uno sumamente peligroso. “E luga unda cu ami ta traha, Culiacan, den estado di Sinaloa, ta un peliger si bo ta na bida”, Valdez a bisa den su speech, dilanti e Comite di Proteccion pa Periodistanan despues di a gana e premio.
Ela describi e circumstancianan den cual e ta eherce periodismo como “cana ariba un liña invisibel pinta door di e malechornan, cu ta trafica droga y cu ta den gobierno, den un veld yena cu explosivo”.
Fuente: www.detelegraaf.nl