CARACAS, Venezuela- Un manifestante di 18 aña a fayece bou circunstancias dudoso, durante enfrentamentonan entre forsanan di siguridad cu un biaha mas tabata separa e manifestantenan. Cu esaki tambe e total di fayecidonan ta subi na 32, durante e luna cu e manifestantenan nan tin caba ta subi caya.
“E hoben a ricibi trauma penetrante den su nek cual no Sali, y esey a produci un shock y tambe a pone su curason stop di bati. El a fayece mientras e tabata ricibiendo asistencia”, segun Gerardo Blyde, alcalde di e municipio capitalino di Baruta.
Durante enfrentamentonan, den otro sector, un manifestante a cende su mes na candela ora cu dos otro hoben tabata cende un brommer di un militar na candela, mientras cu un otro a wordo gedal door di un di e tankinan aki.
E hechonan aki a tuma luga cerca di Plaza Altamira, den e este di Caracas, unda cu forsanan di siguridad a reprimi cu gasnan lacrimogeno un marcha di opositornan cu tabata protesta riba e autopista Francisco Fajardo contra e convocatoria di Maduro pa una Asamblea Nacional Constituyente.
Fuente: El Espectador