FRANHA DI GAZA- E misil lansa desde Gaza a explota na Sderot, asina un vocero di e ciudad den e parti sur di Israel a informa. Esaki ta e di tres misil lansa diabierna, desde e enclave Palestino. E prome a wordo intercepta pa e sistema di defensa antimisil Iron Dome, mientras cu e di dos no a logra yega teritorio Israeli.
Como contesta na e dos prome lansamentonan, avionnan Israeli a bombardea posicionnan di e grupo terorista Hamas den e Franha di Gaza. Ehercito Israeli a confirma cu su aviacion a alcansa un “compleho di entrenamento y un deposito di municion” di e movimento islamista, na ken e ta responsabilisa di “tur actividad hostil pa cu Israel for di e Franha di Gaza”.
E sirenanan a zona den ambos caso den e areanan di Shaar Neguev, Sdot Neguev, Bnei Shimon, Ashkelon y den e ciudad di Sderot, den sur di Israel.
E incidentenan ta bin despues di un jornada di protestanan den teritorio Palestino, yama Dia di Rabia, contra di e decision di presidente di Merca, Donald Trump di reconoce Jeruzalem como capital di Israel.
Pa diasabra a bolbe convoca manifestacionann den e barionan di Oost Jeruzalem.
Fuente: https://www.infobae.com