BOGOTA, Colombia – Segun Indepaz, desde comienso di 2016 te cu 20 di mei 2019, 837 persona a wordo asesina: 702 lidernan social y 135 ex guerriyero di loke tabata FARC.
Den oranan di marduga di diaranson, e lider social Tatiana Paola Posso Espitia a wordo asesina den e municipio di El Copey, den e departamento di Cesar, noordoost di Colombia, segun e Red Nacional den Democracia y Paz (RNDP).
Segun e corant Colombiano El Espectador, e muhe, di 35 aña a ricibi dos tiro den su cara y garganta,
Ademas di e lider social, un otro persona cu tabata fungi como mototaxi, Wilson Antonio Ortega Palomino, di 41 aña, cu tabata desempeña su mes como mototaxist y tabata busca Posso na su cas.
Posso tabata aspirante na e conseho Comunitario: “E tabata un lider social cu tabata comprometi cu e ayudo humanitario na personanan vulnerabel y victimanan di e conflicto arma interno di cual ainda Colombia ta sufriendo”, segun e comunicado di RNDP.