VERACRUZ, Mexico- Bisiñanan di e municipio di Cosoleacaque den e estado di Veracurz, a haya un cabes ariba e hood di un auto cu, den su interior tabata tin un cartolina cu un mensahe di loke ta wordo pensa, algun grupo criminal lo a laga atras.
E hayasog a tuma luga na 200 km di e municipio di Tlacotlalpan, caminda cinco dia pasa polisnan a haya cinco cabes humano riba e hood di un taxi.
Algun minuut prome cu 8 or di mainta, habitantenan di e caya Moctezuma, ubica den e colonia Francisco I. Madero, di e municipio di Cosolecaque, a wak cu riba e hood di un auto Aveo color blanco tabata tin un cabes di un homber y nan a avisa autoridadnan.
Polisnan estatal a yega na e luga y a cera e zona. Ora cu a bay inspecciona e auto sin su number di auto, a bin haya un cartolina berde, cual contenido no a wordo haci publico.
E cabes a wordo traslada pa e Servicio Medico Forense (Semefo) pa su identificacion identificacion. E resto di e curpa di e victima no a wordo haya. Tampoco a detene niun hende.
Na cuminsamento di Januari, autoridadnan a haya 5 cabes ariba e hood di un taxi. E resto di e curpanan tabata den saconan di plastic, cu tabata tin e inicialnan di e Cartel Jalisco Nueva Generacion (CJNG).
Nemesio Oceguera Cervantes, conoci como El Mencho, ta lider di e agrupacion di narcotrafico cu tin e produccion y benta di e droga den e pais, según ministerio publico di e pais (PGR).
Na 2010 tabata tin un division di e cartel di Sinaloa, lidera pa Ismael El Mayo Zambada y a crea CJNG. Actualmente nan tin presencia den e Ciudad de Mexico, Durango, Sonora, Chihuahua, Baja California, Michoacan, Sinaloa, Jalisco, Nayarit, Colima, Guerrero, Oaxaca, Guanajuato, Tamaulipas, Ciudad Juarez y Veracruz.
Fuente: https://www.infobae.com/