LONDON, Gran Bretaña- Polis Britanico ta investigando e incidente cu a tuma luga diasabra den e centro comercial Westfield Stratford City na Londen, cerca di e station di metro Stratfor.
Forsanan di siguridad, como tambe ambulans a wordo mobilisa pa un posibel atake perpetra door di un grupo di homber cu a tira un substancia venenoso contra di un multitud. Segun e prome informenan, seis herido a wordo raporta.
Relaciona cu e sucedido, e agentenan a detene un homber. Mientras cu e investigacion ta tumando su curso, polis no ta trata esaki como un hecho relaciona cu terorismo.
Un testigo a bisa cu ela wak un di e victimanan di e agresion drenta un baño cu hopi rapides pa bay laba su cara, cu tabata tin acido ariba dje.
Fuente: https://actualidad.rt.com/