Poco prome cu 3’or di atardi t sosode un accidente sin herido den area di Noord. Loke a hala atencion ta cu esai a sosode un biaha mas na e crusada di Palm Beach.
E auto cu tabata biniendo for di direccion di e hotelnan a pasa e crusada pa bay Palm Beach sin duna preferencia na e vehiculo cu tabata biniendo di Playa direccion di Malmok.
Tabata trata aki di un Hyundai Port y un Toyota RAV, cualnan a haya basta daño material. Sinembargo no tabatin herido.
E crusada di Palm Beach aki ta escena di accidente casi diariamente y uno mas grandi cu otro. E luznan di trafico no ta funciona pa hopi tempo caba y tin baricada poni cu ta stroba visibilidad en bes di yuda. A pesar di e tantisimo accidente, te ainda ni e departamento ni e Ministerio di Infrastructura no a menciona kico ta bay haci eynan pa trece un solucion.