Sr. Otmar Oduber tambe a hiba palabra durante e acto di firmamento di e acuerdo di gobernacion, caminda el a gradici Sra. Evelyn Wever- Croes, pero tambe gradici’e tambe pa e forma den cual e proceso aki a wordo encamina. No solamente den e fase di informacion, caminda tabata tin diferente combersacion, diferente cambionan, caminda cu mester realisa cu nan ta bin di polonan basta leu for di otro.
Pero den e combersacionnan aki sincero, hunto cu Sr. Ricardo Croes, y despues Sra. Evelyn Wever- Croes, den su rol como Formado, a mustranan hopi lihe cu ora bo ta sirbi bo pais, den e funcionnan cu nan ta bay carga proximamente, e berdad, e realidad di e bida , di e persona di e humano manera cu a wordo poni central, den e programa di gobernacion firma, ta e mas importante cu bo ta pone bo dilanti.
Mas aleu, Sr. Oduber a sigui bisa, cu e mester biba cu e realidad cu no ta solamente e dicho ta bisa, cu ta muhe ta manda mundo, pero cu nan lo bay gobern’e tambe, dentro di par di dia.
Diaranson tabata un dia historico den nan bida, pero 24 aña pasa cu un gobierno a wordo forma a base di coalicion. Pero un cos Oduber mester bisa, cu den e coalicion aki, den e forma cu nan a traha cu otro, e respet pa otro, e documento ey tabata tin hopi nerviosismo, vooral di opositornan cu ta tarda pa e gobierno wordo forma. Pero Sr. Oduber kier a bisa masha cla, cu e ta bay ta un gobierno pa e proximo 4 añanan y plus 4 aña mas despues di esey.
Sr. Oduber a finalisa bisando, cu no ta solamente e tresnan sinta na mesa, pero cada un di e siguidonan, cada un di e sostenedonan di cada un di e tres partidonan aki, ta yega e momento pa realisa cu awo nan lo bay traha pa Aruba, cu nan ta un solo famia, cu tin cu para pa e baranca fuerte cu nan bay na Ayo, pero tambe pa e centro di bista na Hooiberg, cu for di unda bo ta na Aruba, ta recordabo cu tur ta biba ariba e pida baranca asina dushi cu yama Aruba, cu lo bay traha na su bienestar.
Na e ekiponan cu a traha, na esunnan cu tabata encarga cu e editing di e programa, cu cambia cosnan cu cada biaha mester a wordo cambia. Pero tur tres partido ta suficiente bon representa den e programa aki, pasobra cada un di e programanan di e tres partidonan aki ta bay ta na bienestar di Aruba.
Asina tambe nan ta un stap mas aleu pa forma un gobierno cu lo mester bay carga su responsabilidad dentro di un paar di dia, segun Sr. Otmar Oduber, lider di partido POR a finalisa bisando.