Aña 2024 lo bira un aña sumamente importante, ta loke ex-minister y ex-parlamentario Otmar Oduber a indica na inicio di su rueda di prensa.
El a expresa cu e plataforma cu e ta pertenece na dje, Nos Pais, ta casi un aña pasa a papia di lansa su mes un biaha mas den arena politico.
A haci esaki a traves di un plataforma. N’e momento aki Aruba mester mas cu un partido politico nobo. Mester un plataforma caminda cu e conciudadanonan, esunnan cu ta biba den e comunidad aki por sinti cu nan por uni nan mes na un grupo cu ta traha na beneficio di e comunidad Arubano pa por uni pa loke ta trata crea un fase economico, di stabilidad, p’e famianan aki na Aruba, caminda cu hunto por trece vision padilanti, hunto por dialoga cu otro, poniendo enfasis riba dialogo.
Cu e plataforma aki kier transforma e pais aki, kier transforma Aruba y e manera pa hacie ta hunto den dialogo, den comprension, den combersacion y den comunicacion cu otro.
