KIEV, Ucraina- Presidente di Ucraina, Petro Poroshenko, dialuna a firma un decreto unda cu ta declara estado di excepcion den henter e pais, despues di e detencion di dos barco di e Armada Ucranio door di Guardacostanan Ruso den e Black Sea, cerca di Crimea.
E estado di excepcion lo ta na vigor te dia 25 di januari proximo, aunke e lo por wordo kita den cualkier momento, segun e Conseho di Siguridad Nacional y Defensa di Ucraina.
E decreto presidencial, no ta nifica e mobilisacion di e tropanan, ainda mester wordo aproba pa e Rada Supremo of Parlamento.
OTAN ta convoca reunion
Dialuna atardi, e secretario general di OTAN, Jens Stoltenberg a yama un reunion extraordinario cu e comision di OTAN- Ucrania, na Bruselas.
“A peticion di e presidente Poroshenko, e secretario General a convoca un reunion tocante e situacion actual”, segun OTAN a bisa den un comunicado.