Recientemente e artista y desaroyador di e boutique hotel Aruba Ocean Villas tabata invitada special na Grapevine Village 2019, un evento di “influencers” cu a tuma lugar na The Mezzanine na New York.
Aki varios entrepeneurnan di varios continente cu ideanan, producto of servicionan inovativo a showcase nan product y of nan mes. Tabatin artistanan y musicanan nobo cu a keda presenta.
Di e mundo di Caribe a introduci Osyth, e artista Arubano cu a usa su abilidadnan aesthetic y diseño pa crea un lugar magico cu por duna un experencia tropico nunca bisto. A relata cu desde 2017 loke a cuminsa como un restaurant a bira un boutique hotel unico den su categoria y cu tin bistanan bunita, naturalesa, arte colorido y un ambiente romantic cu a sali for di su imaginacion. Cu ademas ta presenta cada camber cu su propio diseño, propio productonan upscale y recycla, cuminda, bebida y estadia cu servicio di un calidad hopi halto.
Loke cu a resalta durante e anochi ei tabata cu hopi di e trendsetters y influencersnan aki cu ta hopi conoci y popular riba medionan social rond mundo ta cu nan nunca tabata sa cu na Aruba tabatin un lugar asina atractivo y cu un concepto total diferente na unda bo por bai “switch off” y recarga bo mes cu energia nobo.
Osyth Henriquez a keda encanta cu e interaccion cu esnan cu a bishita e evento y a haya oportunidad unico di promove su Osyth-Aruba Ocean Villas.
Tabatin otro vendornan presente cu nan diseño y productonan nobo, cuminda y carni organic, assesorio y sweaternan cu materialnan inovativo etc. di varios paisnan, entre otro Japon, Colombia, Cuba y Mexico.