Orlando Balentien ‘Apostel’ condena na 14 aña di prizon den Corte di Apelacion

WILLEMSTAD – Diahuebs sentencia a cay den e caso di e auto proclama Apostel, Orlando Balentina, conoci como apostel.
Ta trata di un caso cu a wordo trata den Corte di Apelacion contra di Orlando Balentina, conoci como Apostel. Esaki ta un caso caminda cu varios victima a declara cu apostel tabata abusa di nan sexualmente y tabata probecha di su funcion como cabesante di misa pa asina convence mucha y adulto cu su accionnan ta corecto.
Den Corte Orlando a tende hues bisa cu e ta keda sentencia na 14 aña di prizon. Ademas di esaki, durante un periodo di 19 aña e lo no por fungi como lider di misa. Tambe hues a declara den e veredicto cu ta tuma su auto den beslag.
Corte den Prome Instancia a condena e homber na 9 aña di prizon, cual el a apela. Awo, hues den Corte di Apelacion ta hisa su castigo pe, y ta keda condena na 14 aña. No ta conoci si apostel lo apela e castigo aki tambe.

SENTENCIA CASO APOSTEL

Comments

comments