Sigarianan electronico ta “indudabelmente dañino” y nan mester wordo regula, asina un raport di e Organizacion Mundial di Salud a duna como resultado. Y e organizacion ta conseha tur hende pa no usa esakinan mas. E popularidad di e sigarianan electronico aki, cu ta permiti inhalacion di likidonan hunto cu nicotina y cu sabornan, a pone mandatarionan den alerta rond mundo y cu esaki por ta un creciente adiccion nobo bao di hobennan. E sigarianan aki ta expone e consumidor na un cantidad abao di toxiconan compara cu e sigaria normal, pero toch esakinan ta representa un risico pa salud. E sigarianan electronico aki ta contene otro toxiconan cu tambe ta dañino pa e salud y esaki ta haci cu si no bini un regulacion, e lo bira mes pio of mas cu e sigarianan normal. Expertonan ta bisa cu e tipo di toxiconan aki den e sigarianan electronico ta perhudica e desaroyo di e celebro di hobennan. Y mas ainda e Organizacion Mundial di Salud ta bisa cu no tin prueba cu e sigarianan electronico aki ta asina efectivo cu ta pone un persona stop di huma.