Dia 11 di April ta dia di Parkinson mundialmente. Organicion Parkinson Aruba (OPA) lo celebra e dia di Parkinson riba Diadomingo 9 di April na Centro di Bario Noord.
E encuentro lo cuminsa 10.00 or di mainta y lo dura te mas o menos 1.00 di merdia. Lo tin un lunch sabroso y Eddy Leest lo entretene e invitadonan cu su bunita musica. Ademas informashon interesante pa e patientnan y nan famia lo wordo duna entre otro door di e fysiotherapista Sr. Frank Velasquez.
Tur pashent cu nan famia ta invita. E entrada pa e pashent ta GRATIS. Extra personanan lo wordo cobra e suma di AFl 30,00 pa cubri e gastonan.
Tur pashent cu ta afilia na OPA caba lo ricibi un invitacion personal. E pashentnan cu no ta afilia na OPA of cu no a ricibi un invitacion ta bon bini tambe. Famia of conocirnan di un patient cu malesa di Parkinson ta naturalmente bon bini.
Pa esun cu no a ricibi un invitashon personal of cu kier mas informashon tocante Organisashon Parkinson Aruba (OPA) por fabor tuma contacto cu Sra. Grace Beaujon (tel. 5822017), Sra. Trina Barthes (tel. 587 3067), Sra. Edna Maduro (tel. 7463146) of Sra. Aura Kolman (tel. 5858824).
OPA tambe ta invita personanan cu ta interesa pa bira voluntario y/of miembro di directiva di nan organicion. Manera tur organicion den bes en cuando mester sanger nobo. Tur personanan interesa por tuma contacto cu OPA via un di e personanan menciona ariba.