Recientemente OPPA tabata tin bishita di su coleganan pensionado di Suriname, “Bond voor Belangenbehartiging Gepensioneerden uit Overheidsdienst (BBGO). Esaki tabata e prome biaha cu nan ta sali for di nan pais como organisacion. Sr. Ivo Valdez, di Organisacionnan di Pensionadonan Publico di Aruba ta amplia mas ariba e bishita di e organisacion di pensionadonan di Suriname.
E meta di e bishita aki ta pa intercambia ideanan, pa waki con OPPA ta trata ariba e tema di pension. A duna e delegacion di Suriname un caluroso bon bini, ariba diabierna 31 di mei. E siguiente diasabra, a organisa un fiesta pa e delegacion di Suriname. E siguiente siman a reuni cu e directiva. E tabata un reunion hopi interesante, segun Sr. Valdez. Ambos organisacion a siña di otro y e idea ta pa mantene e contacto entre e dos organisacionnan aki. Hunto ta uni forsa, idea y tactica cu nan por traha ariba e derechonan di e pensionadonan.
OPPA a ripara cu ainda nan ta miho para cu BBGO, ya cu Aruba tin un fondo di pension, cual nan coleganan di Suriname no tin, ya cu nan ta cay directo bou di gobierno cu no ta tur ora esaki tin fondo pa sigui paga. Hopi biaha ta protestanan ariba caya ta pone presion ariba e gobierno di e pais, pa cumpli cu e derecho di su pensionadonan. E reunion tabata hopi
Ta di gradici cu nos a nace na un pais unda cu nos no a yega asina leu (ainda). Si tin cu keda bringa pa derechonan adkiri den pasado, ya cu e generacion actual ta di idea cu e generacion anterior, ya a bira grandi cu nan por biba bo menos. E pensionadonan ta un banco di experiencia y sabiduria, cu di un dia pa otro por pone un banda, mientras cu por haci bon uzo di dje.
Te ainda e pensionadonan tin cu bringa pa mantene nan derechonan cu nan tabata gosa di dje. Esey ta di lamenta, cu te ainda, nan, como pensionado mester bringa pa mantene nan derechonan cu e jongnan ta gosando di dje. Djis paso cu e pensionado ta mas grandi cu nan, nan ta di opinion cu mester kita e derechonan aki for di e pensionadonan.
Mas aleu, Sr. Valdez a sigui bisa cu si bay ariba e website, ta para tur e derechonan di e grandinan. Nan tin un derecho ariba un cas, derecho ariba cuido. Aruba ta forma parti di Reino Hulanda, cu a ratifica e tratado aki. Pensionadonan mester bringa cu nan ta bringa pa derechonan cu nan ta sinti cu ta bay perdi. Y nan ta haci’e na un manera pasivo. Pero e ta bay asina slow, asina complica, e gobernantenan tin tendencia di pensa cu paso e personanan aki ta di edad, ta hala nan un banda.
Loke si ta jammer, ta cu tin un grupo grandi di pensionadonan, cu no tin un voz, no tin ken pa bringa pa nan. Uni tin mas di bisa cu uno solo persona cu ta bay prensa. Y ta lamenta cu tin cu lucha pa logra esaki. A palabra cu e grupo di Suriname, cu lo keda dne contacto cu otro y a purba di haya contacto cu UPA di Corsou, y ta spera cu pronto tur lo reuni hunto. A keda di bin un ouderenraad cu ya caba a pasa un aña y ainda no a bin cu esaki. Ta spera cu prome cu fin di aña traha ariba esaki. Nos grandinan tin derecho di bisa kico tin cu pasa ariba e pais aki, mirando cu nan ta un grupo grandi di mas di 22 mil pensionado.