Diabierna atardi un conferencia di prensa a keda yama pa orden di abogadonan di Aruba caminda abogado Jose Figaroa a splica nan punto di bista riba desaroyonan di abogado liber cu a dicidi di sigui cu na accion pa no duna servicio mirando cu for di aña 1997 nan no a conoce un ahuste den nan pago.
Mayoria di hende sa cu desde dia 7 di September, abogadonan cu ta core piket na Aruba ta den accion y e accion aki ta encera cu casonan di piket no ta wordo atendi door di abogadonan. Motibo di esaki ta cu durante un tempo basta largo, manera ya menciona, e abogadonan tin cierto sistema cu nan ta wordo paga pa core piket y desde 1997, esaki no a wordo ahusta na diferente ocasion y durante diferente aña caba, tin e peticion cu tabata bay constantemente di parti di abogadonan pa bin un ahuste den esaki, mirando e cambio tanto den costo di bida, pero tambe den trabao cu a aumenta pa loke ta piket y esaki no a tuma luga. Locual a hiba na e aña aki, caminda nan a manda carta pa minister pidiendo atencion pa esaki. Na momento cu esey no a sosode, di parti di minister, orden a dicidi cu lo bay tuma accion, cual ta e accion cu awor aki ta aden y cu e accion ta encera pa e prome 10 dianan, entre dia 7 di September te cu awe, no a core piket. Mirando cu durante e 10 dianan aki, aunke cu a sinta si cu minister dos biaha, no tabata tin mucho cambio den e postura di Gobierno pa loke ta e ahuste den e pago, a dicidi di parti di orden di abogado pa bay prolonga e accion aki. E prolongacion di e accion ta pa e proximo 16 dianan, consistiendo di un accion parti den dos parti. E prome 8 dianan lo sigui cu e accion manera e ta awor aki, pues cu no lo bay atende casonan nobo di hendenan cu wordo deteni, of wordo aresta, pero si pa e prome 8 dianan no a haya oido of si no haya ningun palabracion fiho cu Gobierno, lo bay over na stop e trabaonan di piket completamente. Tanto casonan nobo como tambe casonan andando.
E accion lo bira mas pisa si den 8 dia nan no tende nada di Gobierno mirando cu e pagonan ta poco placa y trabou ta mas cada dia ora un abogado core warda segun Figaroa.
El a splica cu por ta pa elabora un poco riba loke ta trata e peticion mes, Figaroa a comenta cu desde casi 20 aña tin e mesun manera di pago y durante e añanan e trabao a bira mas. Algun aña pasa banda di tin e derecho pa a wordo atendi door di un abogado na momento cu wordo deteni, esaki a wordo hala tambe cu e por sosode na momento cu wordo aresta y e detencion no a bay aden, por exigi pa papia cu un abogado tambe. Esey a bin despues desde cu e prome sumanan a wordo fiha. E ultimo aki a bin mas exigencia acerca unda cu a base di decisionnan di corte, banda di a wordo scucha solamente of na momento cu wordo aresta, durante e detencion, na momento cu verhoring ta tuma luga, ora cu un detenido wordo interoga, tambe e tin derecho di pidi asistencia di abogado. E cantidad di trabao a aumenta exponencialmente, loke tabata wordo haci antes, mientras cu e pagonan si, lamentablemente a keda exactamente mesun cos for di hopi tempo caba, segun Figaroa. Pa duna un miho idea tambe, pasobra den prensa por a lesa cu tabata tin kisas un poco mal comprondemento kico e traboa di un abogado ta encera, na momento cu e ta core piket.