APFA ta administra e fondonan, pa e organisacionnan afilia den e Fondo di Pensioen. Un parti di su tarea den esaki ta pa percura pa nan haya e pagonan na ora. Sr. Jennifer Jacobs, vocero di APFA ta amplia.
Ora cu’n dunado di trabao keda atrasa cu e pagonan, APFA lo manda un carta pa recorda e retraso. Den e caso di Serlimar, dado momento mester a hasta informa e trahadonan. Esaki ta conforme di stipulacionnan legal, cu despues di un atraso di tres luna, lo mester notifica e participantenan cu e primanan no ta wordo pasa pa APFA.
Den caso cu e dunado di trabao no por yega na un areglo cu e por haci e pagonan atrasa, e lo por tin un impacto ariba e empleado. Pero nunca e lo no bay cu forsa retroactivo, ya ta te na e momento cu el a wordo paga, e tin derecho di pension, manera el a spaar durante e añanan.
Sra. Jacobs a bisa di cu tur empleado cu tin cualkier pregunta of preocupacion, por pasa libremente na APFA y no keda cana cu nan preocupacion, ya cu ta na APFA nan tin e informacion corecto y lo no dunanan informacion robes tampoco. Si e persona no por pasa e por yama libremente of pidi un cita y e ora lo splicanan den tur trankilidad tocante e pension cu nan ta bezig ta spaar ariba dje.
Serlimar tabata e unico situacion fastioso di e falta di pago di prima cu APFA a hay’e confronta cun’e. Pero APFA tambe tin di su obligacionnan di cumpli cu ley tocante esaki. Pero te cu awo, esaki ta e unico situacion cu a presenta. Pero si e cartanan di retraso mensual, manera ya bisa anteriormente, manera un dunado di trabao cay atras pa cualkier motibo cu su pago mensual, APFA ta alerta e dunado di trabao di esaki. Y e ora nan ta paga net net na ora. Pero si nan cay den atraso, nan a sa di cumpli cun’e bek, y e ora APFA nunca no a yega na manda carta pa e empleadonan mes. Pero den caso di Serlimar, APFA tabata tin e obligacion legal pa haci esaki.
Den medionan di comunicacion APFA a saca un relato financiero di con e aña financiero 2017 a bay cual a bay hopi bon. APFA lo sigui haci su esfuerso pa sigui salbaguardia e fondo. Te asina leu, e splicacion di Sra. Jennifer Jacobs, vocero di APFA.