CARACAS, Venezuela- Apenas 20 dia despues di a sali for di prizon, e hispano Venezolano Yon Goicoechea ta cuminsa su campaña electoral. E tabata deteni pa mas di un aña y awe, diabierna e ta papia cu bos propio den un oposicion dividi na cual e ta reclama e “obligacion moral” di traha pa libera e presonan politico.
E abogado Venezolano di 33 aña a sali for di cachot di e Servicio Bolivariano di Inteligencia dia 3 di November ultimo, despues di a pasa casi 15 luna cera, cu e intencion y “condicion” di inscribi su mes como candidato na eleccion di alcaldenan cu lo wordo celebra dia 10 di December.
“Mi tabata tin dos opcion (pa mi sali for di prizon): “of mi ta bay djaki of mi ta keda bringa politicamente pa cual bo ta kere y mi ta bringando politicamente pa locual mi ta kere aden”, el a afirma durante un entrevista exclusivo cu EFE, unda cu el a sigura cu su liberacion a wordo dicidi pa e gobierno di Nicolas Maduro.
El a señala cu, na diferencia di e denuncianan di otro opositornan preso, durante cu e tabata preso e no a wordo tortura, y tampoco el a sufri maltrato fisico of verbal, pero e ta kere cu den su caso e agresion den e decision di Sebin di manten’e den un celda rechasando e dictamen di un tribunal cu a pidi su libertad na 2016.
Finalmente el a gradici ex presidentenan Spañi Rodriquez Zapatero, Jose Maria Aznar y e actual gobierno di Mariano Rajoy pa a asumi un solo posicion den su defensa cu a inclui di a otorga Goicoechea ciudadania Spaño, na 2016.
“Mi relación cu Spaña no ta formal ni politico, e ta di sanger, personal y hopi profundo. Mi ta nieto di Spañonan, cu Spaña saca un man yudami ta mescos cu mi welo saca un man yudami for di shelo”, e opositor, casa cu’n ciudadano Spaño, a declara na EFE.
Fuente: http://www.lavanguardia.com