CARACAS, Venezuela- E dirigente di Causa R., Andres Velasquez, a anuncia e convocatorio pa un paro nacional pa diamars, contra e “hiperinflacion y hamber”.
Riba su cuenta di Twitter, Velasquez a indica cu e actividad ta coresponde na un prome dia di protesta contra di Maduro.
Un rato despues, e partidonan Primero Justicia y Voluntad Popular a responde na e yamado a trabes di su cuentanan oficial di Twitter.
Precisamente, e partido oraño a publica un comunicado rechasando e medidanan adopta pa e hefe di estado diabierna anochi.
“Nan a horta e placa di e Venezolanonan, nan a destrui e industria petrolero, nan a caba cu e produccion nacional y awo nan kier pa nan principal victima, e pueblo sumi den pobresa y hambra, paga pa nan mal maneho”, e organisacion a bisa den nan comunicado.
Pa Voluntad Popular, cu su accionnan gobierno ta busa pa “kibra e Venezolanonan moral y economicamente pa asina Maduro keda como e unico persona capas di duna nos un miserabel racion di cuminda y remedi, di duna nos propiedad y servicionan di mal calidad. Tur esaki a cambio di cu nos acepta su exaltacion.
E organisacion politico ta di opinion cu e salida di Maduro for di poder pa coregi e politica macroeconomico y solventa e crisis.
“Nos ta convenci di cu nos mester unifica tur e protestanan y prepara nos mes pa construi e forsa y activa un welga activo general pa saca Maduro y recupera Venezuela”.