Reino: Oposicion Hulandes esta PVV, Groenlinks SP y PvdA ta frustra cu nada ta wordo haci pa reduci gasto nan di energia esta awa y coriente pa e aña venidero. A propone pa baha e aumento di belasting pero no a wordo scucha ni trata door di coalicion.
Durante e debate di ayera e “Najaarsnota” a wordo treci dilanti bao prosupuesto di Reino y nada lo wordo haci pa alivia e famia nan di menos recurso cu e gasto nan aki.
Segun Groenlinks Sr. Bart Snels mester bin cu un solucion den corto tempo pa reduci e gasto nan cu ta keda subi den tempo record.
E aumento di gasto nan ta debi na e cambio nan cu Gobierno kier haci pa logra e meta di mehora e clima, medio ambiente.Ta wordo papia pa tin posibilidad pa bin cu un compensacion pa esnan di menos recurso. E aumento riba “loonstrookje” no ta bai cubri e aumento di gasto nan di energia ya cu costo di bida ta sigi subi na Hulanda. E cambio di aumento ta afecto e economia na un forma negativo.