CARACAS, Venezuela- Oposicion Venezolano a cuminsa cu e prome di tres ronda di protesta convoca pa e proximo tres dianan. Nan lo subi caya y lo blokia cayanan cu baricada, obstaculo y monton di sushi como forma di protesta contra di e Asamblea General Constituyente, cual lo wordo eligi diadomingo proximo.
Den oranan trempan di mainta, opositornan a cuminsa forma blokeonan den e cayanan di Caracas, principalmente den e zonanan oost di e Caracas, conoci pa bastionnan opositor y caminda ta e principal escenario di protestanan.
E Asamblea Nacional Constituyente lo tin e poder di reforma Estado y redacta un constitucion nobo. E eleccionnan aki ta impulsa pa e gobierno di Nicolas Maduro y e ta priminti cu esaki ta e unico solucion pa un salida di e crisis politico, social y economico cu e pais ta pasando aden. Pero oposicion ta wak e Constituyente como un mecanismo pa consolida un dictadura.
E Constituyente ta desaroy mei mei di un ola di protesta di ya casi cuater luna cual a laga por lo menos 108 persona morto y centeran di herido y detenidonan.
Fuente: https://www.efe.com/efe/america/