Opinion di ciudadanonan riba red social Facebook ta pidi pa Parlamentarionan y Gobierno implementa un ley y duna departamento di economia y lanta Fundacion CAS bek, pa cuminsa cu controlnan mas fuerte riba supermarketnan cu ta abusa di prijsnan riba producto. Ta conoci cu e canasta basico na Aruba ta hopi tiki y na Curacao e canasta basico tin mas producto. Pueblo ta puntra ki dia Gobierno tin pensa pa aumenta e canasta basico, y parlamentarionan para banda di e comunidad y bin cu ley pa esun cu aumenta di prijs lo por haya multa te bay over na sancion.
Ciudadanonan ta comenta cu ta ripara cu ta hayando falta di Fundacion CAS, mescos na Curacao tin un fundacion cu ta controla e comerciantenan cu tin supermarket etc. Ta di lamenta cu Gobierno di AVP a laga kita Fundacion CAS, cu a yuda hopi unda comunidad por a yama duna nan keho. Awendia mester warda te ora cu polis di e departamento di control/verguning haya chens hunto cu Departamento di Economia, DEZHI, cu no tin mucho personal pa subi caya y haci e controlnan rond nos isla. Ciudadano ta sigui bisa mester reforsa DEZHI y pone Fundacion CAS BEK!, pueblo ta sufri na man di supermarketnan chines cu ta abusa di prijs.