Ta asina lamentabel pa mira con un politico cu tanto voto enves di a yuda su Pais den Parlamento, a opta pa sinta hunga atrobe cu e dolor di un Pueblo cu ta pasando den un pandemia. Cu tur su miles di voto, atrobe Mike ta opta pa gaña, manipula, crea odio y divicion. Biaha pasa el a demonisa BBO y awo e kier crea rabia riba e cortamento di gasto di AZV pa Aruba por cumpli cu condicion di Hulanda pa corta den gasto di salubridad pa por haya placa fia pa paga pa tene cupo di trabou na Aruba y pa por cubri cu necesidad financiero di full e Pais den e pandemia aki. Ata e prueba aki di e decicion di Conseho di Minister di Reino basa riba e conseho di CAFT pa corta den AZV. CAFT a conseha pa kita 5 miyon di e placa cu Aruba mester haya na juni 2020, ma Conseho di Minister di Reino a dicidi pa kita 5 miyon di AZV pa luna. Lesa pa bo mes con e cosnan ta hinca den otro pa bo no mester bay den duda of kere un hende cu su unico meta ta crea discordia.
