DUBLIN, Irlanda- E tormenta tropical Ophelia dialuna a cobra bida di tres persona. E fenomeno straño aki ta bay hunto cu olanan halto y bientonan di te cu 130 km pa hora.
Gobierno Irlandes a avisa cu e esaki ta e tormenta mas grandi di e ultimo 50 añanan.
Dos persona a perde nan vida ora cu un mata a cay ariba nan auto. Ademas di esey, un homber a muri ora cu e tabata purba di kita un mata for di caminda.
Cerca di 360 mil cas ta sin coriente, despues cu e tormenta a ranca e kabelnan di electricidad. Scol y hospitalnan, como medida di prevencion ta cera y transporte publico ta plat.
Den curso di dialuna Ophelia degrada te na tormenta tropical. Diasabra ainda Ophelia tabata categoria tres cu bientonan te cu 185 km pa hora. Door di e awa relativamente frieu, e tormenta a degrada. Awanan cayente ta manera gasoline pa un horcan.
Despues di Irlanda, Ophelia a coy rumbo pa Irlande del Norte. Meteorologonan Britanico a emiti un aviso pa cu Ophelia valido pa Irlanda del Norte. Dialuna anochi e tormenta a sigui su caminda direccion Escocia.
Fuente: https://www.nu.nl/