DUBLIN, Irlanda- Horcan Ophelia awo ta categoria tres cu bientonan di 185 km pa hora. Di e forma aki, Ophelia ta bira e di seis horcan grandi di e temporada 2017 den Atlantico.
Ophelia ta e di dies horcan consecutivo di cualkier categoria den e temporada aki di Atlantico y e ta sigui avansa. Pa diasabra e ta wordo spera zuid- oost di islanan Azores den su caminda pa Reino Uni, según e Centro Nacional di Horcan di Merca.
E trayectoria pronostica di Ophelia ta mustra cu e lo acerca Irlanda dialuna y Gran Bretaña diamars. Y, aunke e awanan frieu den e parti noord ta implica cu e horcan aki no lo tin e mesun intensidad di ultimo ciclonan cu a destrui Merca. Probablemente e lo genera bientonan di horcan.
Sperando e yegada di Ophelia, servicio meteorologico Britanico a bisa ariba su websitecu el a emiti alerta geen pa dialuna y diamars pa Irlanda del Norte y zonanan west y noord di Gran Bretaña, ante e posibilidad di cu rafaganan di biento di mas di 128 km pa hora den algun luga.