SAN SALVADOR, El Salvador- Ministerio Publico di El Salvador diamars atardi a anuncia cu el a cuminsa un investigacion pa determina e responsabilidad di e sucedido.
Un mama di famia di e Scol Curason di Maria, for di cual e mucha muhe, Camila Sofia Salguero,di ocho aña cu a muri despues di cu el a cay for di e wega mecanico conoci como “Chicago”, a sigura cu e y su prima a wak con e gondola den cual e mucha tabata sinta a bira y e e studiante a “sali tira” for di dje. Otro compañe di Sofia, a logra tene na e wega, pero el a resulta herida y a wordo transporta pa e hospital Nacional Infantil Benjamin Bloom.
Segun e muhe, e studiantenan cu tabata den e carrousel, a cuminsa grita e operadornan di e wega cu nan kier baha, ya cu e carrousel tabata bayendo hopi lihe. Pero nan contesta tabata di baha e velocidad pero pa bira e carrousel den sentido contrario.
“E muchanan tabata gritando pa e hombernan cu tabata tin e control di e carrousel cu nan tabata kier a baha ya cu e tabata bayendo hopi lihe y loke e hombernan a haci tabata di haci como si fuera cu lo laga e muchanan baha, pero esaki no tabata e caso, sino cu a bira e carrousel den direccion contrario”, e señora a conta.
E denunciante a bisa cu e operadonan di e machinann tabata purba di kita e culpa for di nan mes door di bisa cu e mucha a lanta e bara di hero cu e carouselnan tin pa sigura cu e usuarionan no cay.
E alumno cu a fayece tabata den derde klas y su omo, Carlos Salguero, a responsabilisa e autoridadnan escolar pa a duna autorisacion pa e Coney Island, manera e ta wordo yama na Aruba, a keda den cura di e scol.