CARACAS.- Diamars mainta, presidente (I) di Venezuela, Juan Guaido, a tuma e base militar La Carlota over. Esaki a sosode den oranan di mainta, den careda di 4 or.
E General di Ehercito José Adelino Ornella Ferreira, hefe di e Estado Mayor Conjunto lo ta e militar cu lo ta encabesa e movimento aki hunto cu presidente Guaido.
Leopoldo Lopez, lider di oposicion ta liber y ta hunto cu e Guaido.
Miembronan di Sociedad Civil a cuminsa yega cerca di La Carlota, unda cu Leopoldo Lopez a bisa cu nan a cuminsa e cese di usurpacion di Venezuela.
El a haci un yamada na tur e militarnan pa nan uni na dje, ya cu ta nan tur ta sufriendo, la haci un yamada pa un y tur subi caya, polis, militar, hues, fiscal, funcionarionan publico.
Militarnan cu ta apoya Guaido tur tin un cinta blauw na nan brasa.
Lopez a bisa cu e proximo paso ta pa busca pa forma un gobierno provisional.
Segun Guaido, awe 30 di april, ta e 1 di Mei cu tur tabata spera. Ta e comienso di Operacion Libertad.