Riba diaranson prome di mei, a tuma luga e Opendag anual na Marinierskazerne na Savaneta. For di 10’or di mainta te cu 4’or di atardi, Marina Real a habri su portanan pa publico cu un programa varia pa hoben y adulto.
E opendag a brinda un variedad amplio di actividad y demostracion, durante cual e bishitantenan por a haya un bista unico di paden di e trabao di e socionan di Defensa y Siguridad. Cuerpo di marina, Marrechausse Real, Wardacosta Region Caribe, Oficina di Maneho di Desaster Aruba y Cuerpo Policial Aruba tabata presente pa demostra kico nan tin den cas.
Algun aspecto cu mas a destaca riba e dia tabata entre otro e impresionante saltonan cu parashut di Defensa Paraschool, e organisacion benefico cu a sostene diferente accion di bon causa y e baretnan cu a keda reparti bao di e muchanan. E organisacionnan cu a ricibi sosten cu e evento ta, “Cas Marie Centro di Encuentro pa Persona cu Demencia y Centro di Bario (CdB) Savaneta.”
Durante dia a tuma luga demostracion riba tera y riba awa, cada un cu dos demostracion, durante cual a imita diferente scenario despues. Fuera di e demostracionnan tabatin musica en bibo, mientras cu e mercado y e kiosconan di cuminda a ofrece e bishitantenan cos dushi y souvenir pa bay cas cu ne.
ofresé e bishitantenan kosnan dushi i souvenir pa bai kas ku n’e.
E exito di e Opendag di Marinierskazerne Savaneta ta danki n’e esfurso di tur esunnan envolvi y e participacion cu entusiasmo di e publico. E evento no solamente a contribui na engrandece e consciencia tocante e trabao di e servicionan di Defensa y di Emergencia, pero tambe brinda sosten valioso na dos acto di bon causa. Te otro aña riba dia prome di mei 2025.