Reino: Na comienso di e crisis di corona virus rond di mundo, Hulanda no tabata suficiente prepara pa e brote di e infeccion aki di gran scala. Como resultado e atencion a keda concentra pa combati e virus y no a tene na cuenta cu e consecuencia social.
Den e conclusion di e hunta di seguridad di Hulanda OVV den e prome tres informacion relaciona cu e enfoke di e crisis di corona. E fuerte enfoke den e control di e enfermedad infeccioso, tabata midi cu cautela e interes den e otro areanan asina OVV a informa den un rapport di 300 pagina.
A analisa e periodo di Maart te September 2020 con specialmente e atencion y e preparacion tabata pa e pandemia y e medidanan tuma. E motibo di e estudio aki ta pa siña pa un posibel brote di pandemia pa futuro, unda dos rapport ta sigui informa.
Desaster silencioso na casnan di cuido di ansiano
Segun e rapport di OVV na e momento ey comienso di e pandemia tabatin un desconocimiento riba nivel nacional con pa combati un brote. E pandemia tabata keda practica riba nivel regional y no tabata ningun guia nacional, pa loke por a keda improvisa hopi mas den e prome lunanan.
A duna tiki atencion na e casnan di cuido di anciano y otro casnan di cuido. Esaki a enfoca den e crisis basta laat y a duna un resultado di un desaster keto. Debi cu mas di e mita di e mortonan di corona registra na 2020 tabata den e luganan di anciano.