Mision de ONU na Colombia a reitera cu nan lo cuminsa e implementacion gradual di tres tarea specifico di desarme di FARC, segun acorda pa dia 1 di Maart.
E tareanan aki ta di identifica y registra tur arma den e campamentonan temporal di FARC den e 26 reunionnan, e almacenamento di e armanan di e guerrillero cu ta forma parti di e Mecanismo di Monitoreo y Verificacion di e stop na tiramento. Tambe e planificacion y verificacion di e destruccion di armamento instabiel
Aunke e proceso a cuminsa ya caba dia 1 di Maart, FARC ainda no a entrega niun arma na ONU y General Perez Aquino a confirma cu ainda no tin un fecha pa cuminsa ricibi e armanan.
Loke a cuminsa tabata e registro di armanan, cual ta un proceso meticuloso cu ta inclui un lista di cada un di nan y e asignacion di un barcode.
Manera acorda pa ONU, e proceso a cuminsa cu e elaboracion di un lista detaya di cada un di e casi 7 mil gueriyeronan reuni den 26 punto rural di e pais y di e arma cu nan tin.
Segun ONU, ta necesario pa tur esunnan implica tin confiansa den e seriedad tecnico y profesional di Nacionnan Uni.