Na aña 2006, Onno de Swart tabata un di e fundadonan di Aruba Airlines. A keda bringa cu e aerolinea for di 2006 te cu 2010, ora cu a cuminsa opera cu un avion chikito. Na 2012, finalmente a cera un deal cu un grupo Venezolano y e idea tabata pa haci Aruba Airlines grandi cu Airbus 320, cual ta existi awe. Pero na 2014 a sosode un problema chikito, un diferencia di opinion cu a escala cu te na 2016 na comienso, e tapa a bula y laso a kibra. For di e tempo ey ta drenta y sali den corte. E prome caso cu tabata tin contra de Swart, e grupo aki a gan’e. A logra kit’e como director di e compania. Desde e dia ey, a yam’e pa ladron. Pa de Swart, a atach’e y for di e dia ey, si ta e ultimo florin tin cu gasta pa defende su mes pa e por hustifica cu no ta ladron, e ora ey esey ta locual cu a haci tambe y ta haciendo ainda. Awe, pa di dos biaha, locual cu a pasa, a haya sentencia di hues, cu pa di dos biaha, de Swart a wordo declara liber. No solamente esey.
De Swart a comenta acuse di a bay cu placa for di Aruba Airlines bay cune. Pero e placa aki, a bisa den varios ocasion, cu e placa ey ta di de Swart y hues a dicta esaki pa di dos biaha cu e placa ta di de Swart.
Loke a pasa ta cu na Februari tabata tin un disputa y a haci un aandeelhoudersvergadering, caminda cu a aumenta mas accion y a saca e mayoria for di e man di e exsocio cu a fayece. Ta asina cu pa purba di pone mas placa den compania, pasobra e Venezolanonan aki no tin placa. E compania ta bancarota. Loke a pasa ta cu nan no tabata di acuerdo. Nan tabata tin nan punto y hues a duna nan rason pa reverse tur e reunionnan ey y no aumenta e accionnan di e compania, resultando como accionistanan mayoritario, a dicidi pa saca de Swart como director. Obviamente cu si tin un disputa cu e director, e accionistanan mayoritario por dicidi pa sak’e afo y ta loke a pasa, segun Onno de Swart.
E placa e tempo ey cu tabata riba cuenta di de Swart, pa cera tur cuenta na Merca pa habri uno nobo, for di e dia ey e no por a mishi cu e placa. E placa ey a keda riba su nomber. Riba e mesun dia cu hues a dicidi cu no mag di mishi cu nada di Aruba Airlines, a dicidi pa keda cu su placa como verrekening y nan lo mester a paga e diferencia ainda. Esey nunca a tuma luga. A cuminsa cu un guera cu de Swart mester a pone su placa bek y a resulta cu e placa ta di dje. A bisa den varios ocasion dia cu a cera e negoshi, ta asina cu ora cera un negoshi, ta bende pa un monto. Den e caso aki no tabata tin un monto. A cera un deal caminda cu mester a paga debenan na tercera parti cu keda habri di compania, cu un dia nan por bin cerca dje. Pa esaki nan mester a cover e parti ey. Nan no a cover e y ta desmenti y no kier paga nada. Nan ta desmenti cu nan mester paga. E ora ta masha facil.
Ley di Aruba ta bisa cu si bo cumpra algo, bo tin cu paga un prijs husto p’e.
Si resulta cu bo no a paga nada, e ora ta kico bo a paga pa e accionnan anto. Si bo no a paga nada pa e accionnan cu bo a cumpra 2012, simplemente duna esakinan bek.
Den e skina ey de Swart ta hincando e grupo. No solamente tin cu paga, pero tin cu paga un prijs husto p’e tambe. Kico ta un prijs husto? Esaki por wordo estableci despues. E ta den un acuerdo di accionista, pero e grupo ta desmenti tur cos y no kier paga nada. Te hasta e cen cu tabata tin riba un vordering di e compania cu ta riba su cuenta coriente, cu a wordo aproba den reunion di accionista. Tambe den varios email, na ultimo ora, ora cu pleita cu nan no ta di acuerdo. A purba den tur sorto di manera den corte pa mustra hues cu e placa no ta di de Swart. Un biaha hues a bisa nan awe cu e placa ta di de Swart y cu e grupo mester paga bek, segun Onno de Swart.