Onno de Swart a bende 90% di e compania. Ta mescos cu ora cumpra un auto. Ora bo cumpra un auto y paga 90% di e auto y sin paga 10%, bo por yega na un areglo. Pero si bo cumpra un auto y si bo paga 10% y despues di 4 aña, tin tur derecho di tuma e auto. Si ainda nan kier e compania, nan tin cu yega na un areglo cu de Swart, paga pa e accionnan. Awor aki tin un caso entrega for dia 22 di Juni, cu a cuminsa core dia 31 di Augustus ultimo, pa exigi pa duna e accionnan bek. A stelnan e gebreke, a summeernan pa nan paga y nan a djis paga algun tipo di cos cu ta encera un pago total di 10%, pero e 90% ainda nan no kier papia riba dje y nan no a page tampoco.
E cos aki no a caba ainda, segun de Swart. No por drenta actualmente, tanten cu hues no bisa cu tin cu duna e sharenan, e no por drenta bek. Awor aki de Swart, mirando cu den corte nan a presenta cu un draft di 2015 caminda cu publicamente por bisa pasobra e tabata den e caso contra di dje, cu nan tin un perdida di 17 miyon florin, pero si nan a paga nan mes 5 miyon florin, ta bisa hopi. Pero pa de Swart no tin placa y ta purba tur sorto di manera pa bin cu escusa pa no pag’e. Awor aki e ta afo. E no sa si e kier bin bek, pasobra e no tin planea pa tuma e desaster cu nan a paga, cu na principio di aña a adverti tur hende. E tabata masha concerni riba e modus operando. E MO ta sigui, fia placa tur caminda, ta sigui haci debe riba compania y no sa ken lo paga esey y den esaki de Swart no ta.
E ta prefera, si por, si nan ta di acuerdo, pa yega un areglo caminda cu por yega na un schikking, caminda cu por ta tur partidi por sali di loke cu nan tin cu pag’e, di loke el a gana awe. Y tin cu paga e accionnan cu el a bende. Si haci esaki, e ora de Swart por bira su lomba y sigui su caminda.
Si no tin placa pa paga, simplemente ta yega na pidi faillesement, no tin otro manera, de Swart a splica.
Hasta un mucha di 6de klas ta compronde cu si sigui bula pa Venezuela, keto bay ta mescos cu nada no a pasa, si ta stop di vuelonan di Corsou, etc. y ta prefera tuma Bolivar, tin di compronde cu wel di bula yen y si no por haya e placa cambia na placa cu por uza di dje, ta mescos cu ta monopoly ta hunga. Placa ta caba, no por paga debi y no por haci negoshi.
De Swart a sigui menciona cu e tin seis luna na cas, naturalmente a tuma un vakantie chikito pa mira kico ta bay pasa y kico ta su posibilidadnan y claro cu tin hopi posibilidad p’e. Prome cos, e tin cu termina cu e asunto aki. Cera e capitulo aki mas lihe posibel, sea yega na un bon areglo of nan tin cu paga cu e compania, y pidi faillesement. De Swart ta trahando riba algo nobo caba.