Camara di Comercio a sinta cu e diferente instancianan pa dos aña caba, y nan a bin na cierto acuerdonan, despues di a haya diferente kehonan di e fenomeno di online shopping. Sr. Ernst Mohammed, di Camara di Comercio ta amplia.
E kehonan a atende cu nan cu Ministerio Publico, SIAD y tur e diferente instancianan. Nan mester a haya nan tempo pa nan regla na tempo y cuminsa haci’e na serio. Mescos cu aña pasa a pusha pa moratorio pa mini market y supermercado, dado momento ex minister Richard Arends a haci esaki.
E comunicacion di Camara di Comercio y gobernantenan, cu diferene instancianan ta hopi importante. Nan ta sinta cu diferente instancianan pa sa kico ta pasando eyfonan. Hopi biaha nan no sa, ya cu nan ta asina verdiep den nan trabao, y si niun hende avisa pa kico ta pasando, sin haya kehonan, no por tuma niun paso.
Sr. Mohammed ta spera cu e accionnan aki lo duna su frutonan. Esey ta parti di e unfair competition cu tin y mester haci’e legal. Si kier haci negoshi, bay registra na Camara di Comercio y Belasting, paga tur belasting.
Tur caminda na mundo, online shopping ta un fenomeno. Por wak’e como oportunidad of un menasa. Tin biaha ta con cada persona ta wak e situacion, e situacion ta biniendo. Tin hende cu a tuma e paso y el a resulta bon pa nan. Millenialsnan ta biniendo, tur cos ta internet pa nan. Den futuro, esey lo ta e siguiente paso. Pero hopi tin miedo di papia di esaki, segun Sr. Ernst Mohammed, di Camara di Comercio.