Dia 24 di Mei venidero Aruba ta bay conoce su prome “One Woman Show” di Ruthy “Lady Ruth” Vrieswijk-Bergen, titula :” Alegria di Ruthy”. Un bunita show pa recorda y celebra su 44 aña den Farandula. . Lady Ruth ta bay recita, canta y baila riba e stage di Cas di Cultura for di 8’or te 10’or di anochi ( claro cu un pauze di 20 minuut) – E fondo recauda di e carchinan cu ta na benta pa unicamente Afls. 15,- pa un, ta bay pa Fundacion Hende Muhe Den Dificultad, pa nan por drecha nan cushina. E parti musical lo ta live, en bibo, den e fantastico mannan y mentenan bendiciona y talentoso di : Albert Croes, Jerry Diaz, Mario Kelly y Tino Ruiz.
Lo tin dos sorpresa chikito den e show y tambe. For di 7.30 pm en adelante por drenta e sala grandi di Cas di Cultura pa por cuminsa sinti e “Alegria di Ruthy” den su ‘Power Point Slide Show’. Cu invitado special den persona di Alex Berkley como mi partner den baile y sra. Guisela Croes, un profesional cu lo contesta algun pregunta di Ruthy riba stage pa inspira nos tur, pa bay cas cu mas alegria !!!!! Y e curason back stage den persona di sra. Luty Martinez.
Y pa 8’or ta spera di por cuminsa cu e show mes, ora e cortina cora habri y publico cuminsa sinti nan mes tambe alegre cu e alegria aki. Lady Ruth ta den full training y ta spera di comparti di e forma aki su alegria y gradicimento pa tur e 44 añanan su tras den Farandula. Cu un Danki diki gordo na tur cu un dia of otro, un manera of otro, a presencia sea un programa den cual e la fungi como MC, of como cantante, como actriz, como pintor y of como poeta. Su bendicion grandi di ta un artista multifacetico y unico den su estilo band’i su prome dedicacion como un Domestic Engineer, esta Ama di Cas. E One Woman Show ”Alegria di Ruthy” ta posibel danki na UNOCA y ARUBA BANK, Biblioteca Nacional Aruba y Tele Aruba, Prensa, Nos medionan di comunicacion y otronan cu nos ta aprecia masha hopi mes. Danki pa boso apoyo! Danki pa boso sosten! Danki na DCA, Departamento di Cultura Aruba, Optica Moderna, Benjie Chipi chipi La Moderna, Van Dorp Boekhandel, Aruba Post na San Nicolas, Sangria Lolea Manrique Capriles, Beauty Salon Loly, Biblioteca Nacional Aruba, Tele Aruba, Aruba Bank y Unoca . Tambe e luganan cu a pone poster cu ta Citgo Boulevard, Citgo Sero Blanco, Botica Sta. Anna Noord y Botica Dakota.
Boso tur sa cuanto mi ta aprecia boso tur cu amor y carino !!!
Carchinan ta obtenibel na Cas di Cultura durante oranan di oficina, na Boekhandel Van Dorp den curason di Dakota, na Aruba Post San Nicolas, Botica Sta. Anna na Noord, na Grand Tropicale Café den Seaport Market Place, La Moderna den centro di Oranjestad y na Beauty Salon Loly den Quaststraat y ta costa unicamente Afls. 15,- pa un – Bo tambe por yuda Fundacion Hende Muhe den Dificultad, cumprando un of mas carchi y disfruta di un tremendo One woman show ‘Alegria di Ruthy’!!! Danki di antemano !!
