Internacional:
Situacion di e pandemia Corona Virus a alarmante pa mundo completo. Nos ta den e di tres aña di e pandemia aki. Esaki ta un otro ola mundial debi na e contagio gradi di Omicron. Maske dokternan a informa cu ta imposibel pa informa ki ruta e Covid-19 aki ta tuma den 2022.
Italia a kibra record den un solo dia prome biaha den historia pa nan
Mientras na Italia a supera mas di 200.000 caso di corona den un solo dia, esaki ta historia desde e prome dia cu nan a registra nan prome caso. E Gobierno Italiano a haci obligatorio pa e vacunacion pa tur hende riba 50 aña.
Chile ta bay pa di su di cuatro vacunacion
E presidente di chiles Piñera a informa cu desde 10 di januari ta cuminsa cu e vacunacion di e poblacion pa di e cuater dosis. Esaki ta despues di a registra 3134 caso nobo den un solo dia, un cifra cu no a keda registra desde 8 di juli 2021.
Aeroliñanan a cancela riba mil vuelo
Rond di mundo Aeroliñanan ta cancelando nan vuelo, despues cu e omicron a dal henter mundo. Diahuebs a registra mas di 1600 vuelo cancela segun e pagina FlightAware, na Merca. Southwest mes a cancela riba 562 vuelo. United Airline riba 227 vuelo.
Israel ta elimina paisnan for di e lista cora
Maske cu mundialmente Omicron ta dal, Israel desde diabierna marduga ta elimina paisnan e.o Merca, Reino Uni y parti Arabe for di e lista cora pa biaha. Bo ta permit di biaha sin permiso special, esnan cu ta vacuna y ta den recuperacion tin cu isola nan mes y muestra un prueba di e PCR negativo.